काठमाडौं: रास्वपाकी केन्द्रीय सदस्य डा. ताेसिमा कार्कीले पार्टी पुनर्गठनकाे कुरा उठाउँदा आफूमाथि प्रहार भएको गुनासो राख्दै आज एक भिडियो सार्वजनिक गरेकी छन् l 

उनले पार्टी पुनर्गठनकाे कुरा उठाउँदा सभापति रवि लामिछानेकाे विकल्प खाेजियाे भनेर प्रचार गरिएकाे आरोप लगाएकी छन् l 

 नलेे भनेकी छन्, ‘पार्टीलाई थप सबल सुदृढ बनाउन खोजिएको प्रयासलाई सभापति रवि लामिछाने विरुद्धको षड्यन्त्र जस्तो बनाएर भाष्य बनाउनुहुने तपाईंहरूको निरन्तर प्रहारले पूरा पार्टीलाई नै कमजोर बनाउने काम नगर्नुहोला।’

पार्टीलाई समय सापेक्षिक रूपमा मध्यममार्गी मुलधारको मुख्य राजनैतिक शक्तिको रूपमा विकास गर्दै रास्वपाले वैकल्पिक शक्ति, नागरिक्क समाज र जेनजी सबैलाई समेट्नका लागि पार्टीमा सांगठनिक र वैचारिक पुनःगठन पुनरवलोकन आवश्यक रहेकाे बताइन् ।

 यही कुरामा आफूलाई पटक पटक स्पष्टीकरण दिन बाध्य नपार्न आग्रह गर्दै एक कदम अघि बढेर रिफर्मेसनका मोडालिटीमा बसह गर्न पार्टीपंक्तिमा अह्वान गरेकी छन् । उनले आफूमाथि षड्यन्त्र भएको अतिरन्जित प्रचार गरिएको गुनासो समेत गरेकी छन् l 

डा. कार्कीका प्रस्तावहरू : 

१ .रास्वपालाई यथास्थितिमा शिथिल भएर बस्ने छुट छैन त्यसैले मैले वैचारिक र सांगठनिक सुधारको कुरा उठाएको हुँ l 

२. विस्तारीत बैठकमा सकेसम्म धेरै साथीहरू सहभागी बन्न अनुरोध गर्दछु l  सहभागी साथीहरूलाई विस्तारित बैठकमा प्रस्तुत हुने राजनीतिक र सांगठनिक विषयमा आफ्नो भोटिङ राइट दिनुपर्छ । भोटिङराइट पाएपछि त्यसलाई कम्प्लिटली स्वीकार गर्ने कि, सुधार गर्ने कि ? बहिष्कार गर्ने कि  त्यसबारे मताधिकार पाउनुपर्छ l रास्वपा 

३. बैठकमा प्रस्तुत हुने राजनैतिक र साङ्गठनिक प्रतिवेदनमाथि सहभागीहरूले राय राख्ने मात्र होईन प्रतिवेदनहरूलाई स्वीकार/अस्विकार गर्ने/ तोकिएका संसोधन सहित स्विकार्न पाउने गरी भोटिङ राईट दिईनुपर्छ।

४. Genz आन्दोलन पछिको रास्वपालाई यथास्थितिमा रहेर वैकल्पिक शक्तिहरूलाई नसमेटि आसन्न चुनावमा एक्लै जाने छुट छैन । हामी उदार हुनुपर्छ । केन्द्री सचिवालय, पदाधिकारी, समितीको संरचना र नेतृत्वमा पुनरावलोकन, पुनरविचा, पुनर्गठन गरेर वैकल्पिक शक्ति सबैको साझा र ठुलो प्लेटफर्म बन्नुपर्छ ।

५. मैले रास्वपालाई सबैको बनाउन सबै वैकल्पिक शक्तिहरू जेनजी र विभिन्न स्वतन्त्र व्यक्तिहरू बुद्धिजीवीहरू सबै नेतृत्वमा अट्ने बनाउन पार्टीको पुनरावलोकन गर्न पुनर्गठन गर्न आग्रह गरेको हुँ l राष्ट्रिय स्वतन्त्र पार्टीको छाती ठुलो बनाउन चाहेकी हुँ l त्यसैको लागि मैले रिफर्मेसनको कुरा उठाएको हुँ l कार्कीले भनेकी छन् l