काठमाडौँ । उपेन्द्र यादव नेतृत्वको जनता समाजवादी पार्टी (जसपा) ले गौर हत्याकाण्डमा आफूलाई निशाना बनाए गठबन्धन छाड्ने चेतावनी दिएका छन् । सोमबार प्रधानमन्त्रीको सरकारी निवास बालुवाटारमा बसेको गठबन्धनको बैठकमा जसपाले गौर हत्याकाण्डबारे छानबिन भए आफूहरु सरकार र गठबन्धन छाड्ने चेतावनी दिएको हो । आफू निशानामा परिने भय व्यक्त गर्दै सरकार छोड्न सहजै तयार भएको धम्की प्रधानमन्त्री र गठबन्धन दललाई दिएका छन् l 

जसपाले गौर हत्याकाण्डमा आफूलाई निशाना बनाए गठबन्धन छोड्ने चेतावनी दिएको नेकपा (एकीकृत समाजवादी) का उपाध्यक्ष राजेन्द्रप्रसाद पाण्डेले बताए । 

पाण्डेले भने,‘गौर हत्याकाण्डका बारेमा उठ्यो । जसपाका साथीहरूले हामीलाई गठबन्धनमा यसरी नै टार्गेट गरिरहने हो भने गठबन्धनमा रहने, नरहने सोच्नुपर्छ भन्नेखालको शंकास्पद कुरा व्यक्त भएको छ । कानूनसम्मत ढंगले टुंग्याउने कुरा भएको छ ।’ बैठकमा उपेन्द्रले अलि भावुक किसिमले आफूलाई प्रस्तुत गरेको पनि स्रोतले दावी गर्यो l 'मोहमद अफ्ताद आलम कै स्थिति बन्ने हो कि भन्ने संसय यादवमा देखिन्थ्यो भने आलामकै नियति भए त के गर्न सकिन्छ र ? अदालतको पनि कुरा हो भन्ने तर्क पनि भएको थियो l'