जनमत पार्टीबाट प्रतिनिधित्व गर्ने अनितादेवी  सङ्घीय मामिला तथा सामान्य मन्त्री बन्दैछन् l यसर्थ उनको बारेमा जान्न खोज्ने पाठकको लागि उनको बारेका केही जानकारी पस्कनु हाम्रो दायित्व हो l अनिता साह किसान आन्दोलनको अग्रमोर्चा सम्हालेकी निडर नेत्तृको रूपमा जनमत वृतमा परिचित छन् l उनकै  नेत्तृत्वमा धनुषाको पोर्ताहामा आन्दोलन हुँदा प्रहरीले गोली चलाएका थिए र सो गोली लागेर उनको श्रीमान्‌का साथै अन्य चार जना कार्यकर्ताहरू घाइते भएका थिए।

उनलाई पछि पटक-पटक घेरा हालेर प्रहरीले कुटपिट समेत गरेका थिए। सो आन्दोलनबाट पार्टीमा प्रवेश गरेकी शाहलाई जनमत पार्टीले धनुषा जिल्लाको इन्चार्ज बनाएको थियो l  उनले पार्टीलाई वडा-वडासम्म अधिवेशन गराएर पार्टी विस्तार गर्न पनि प्रमुख भूमिका निर्वाह गरेकी थिइन् l  जनकपुरमा भएको जनमत पार्टीको महाधिवेशनको आयोजक समितिको अध्यक्ष भएर भूमिका निर्वाह गरेकी शाह  हाल  जनमत पार्टीको राष्ट्रिय सचिव हुन् l  संसदीय दलको प्रमुख सचेतक समेत रहेकी शाह पपुलेशन विषयकी स्नातक हुन् l माओवादी पदाधिकारी बैठकले सरकारमा रहेका आफ्ना सदस्य अमनलाल मोदीलाई फिर्ता बोलाएर  जनमत पार्टीकी अनिता शाहलाई प्रचण्ड सरकारमा लैजाने भएको छ l

जनमत पार्टीका अध्यक्ष डाक्टर सिके रावतले शाहको नाम केही दिन पहिले नै सिफारिस गरेको भए पनि शाहको सपथ भोलि १० बजेको लागि तयारी गरिएको छ l माओवादी पार्टीको कोटामा परेको मन्त्रालय जनमत पार्टीलाई दिने गरी सत्ता गठबन्धनमा गत असारमा नै सहमति भएको थियो l