राष्ट्रियसभाका अध्यक्ष एवम् कम्युनिष्ट नेता नारायणप्रसाद दाहालले आफ्नो वैवाहिक उत्सवलाई पुँजीवादी शैलीमा मनाएका छन् l नरायण दाहाल माओवादी अध्यक्ष प्रचण्डका भाइ हुन् l

माओवादी अध्यक्ष प्रचण्डले पनि सीता दाहालसँग २०७६ बैशाख २६ गते ५० औँ वर्षगाँठलाई  भव्य होटेलमा भोज भतेर बाजागाजा सहित मनाएका थिए l त्यतिबेला प्रचण्ड दम्पतीको विवाह समारोहमा तत्कालीन उपराष्ट्रपति नन्दबहादुर पुन, सभामुख कृष्णबहादुर महरा, नेकपाका सचिवालय सदस्यहरू माधव नेपाल, झलनाथ खनाल, वामदेव गौतम, नारायणकाजी श्रेष्ठ, ईश्वर पोख्रेल, रामबहादुर थापा, महासचिव विष्णु पौडेल, समाजवादी पार्टीका अध्यक्षद्वय बाबुराम भट्टराई र उपेन्द्र यादव, स्थायी कमिटीका अधिकांश नेताहरू, केन्द्रीय समितिका सदस्यहरू, पार्टी कार्यकर्ता र प्रचण्डका नातेदार लगायतको सहभागिता रहेको थियो ।

उक्त विवाहलाई लिएर प्रचण्डको सार्वजनिक आलोचना भएको थियो l मार्क्सवादी भौतिकवादी कम्युनिष्ट पार्टीको नेता भएर पुँजीवादी शैली, शान र भोजभतेर सहितको विवाह विषयलाई विगतको माओवादी शैलीको जनवादी विवाहसँग तुलना गरेर कम्युनिस्ट नेताको वैचारिक स्खलन र धार्मिक परम्परागत रुढीमा रूपानान्तरण भन्ने सामाजिक चर्चा भएको थियो l

पत्नी सीता दाहाल विरामी भएको र उनकै चाहना बमोजिम उक्त बिहे भएको स्पष्टिकरण प्रचण्ड परिवारले त्यतिबेला दिएको थियो l 

राष्ट्रिय सभा अध्यक्ष दाहालका छोरा समिर दाहालले Happy Anniversary बुबा ममी भनेर वैवाहिक वर्ष गाँठको फोटो आफ्नो फेसबुक वालमा पोष्ट गरेका छन् l समिर दाहालको पोस्टमा पारिवारिक सदस्य बाहेक अरू कसैको उपस्थिति देखिंदैन भने विवाह उत्सव घरमै सीमित देखिन्छ l Happy Anniversary लेखिएको कलरफूल सजावट भित्तामा देखिन्छ भने केक,माला र फलफूल टेवलमा सजिएको छ l राष्ट्रिय सभा अध्यक्ष नरायण दाहाल र श्रीमती दुर्गा दाहालले एक अर्कालाई माला पहिर्याइएको दृश्य समिर दाहालले सार्वजनिक गरेको फोटोमा देख्न सकिन्छ l 

दाहाल परिवारको रहन सहन र जीवन शैली, विवाह, पास्नी भोज परम्परागत सामन्तवादी र पुँजीवादी राजामहाराजा र नेताहरूको  भन्दा चर्को रहेको देखिएको छ l यसले माओवादी केन्द्रका नेताहरूको  कथनी र करणीमा फराकिलो अन्तर देखाएको छ l

यहाँ माओवादी नेताको जीवनशैली किन आलोच्य हुन्छ भने माओवादीहरूले १० वर्षे जनयुद्धको समयमा जुन र जस्तो प्रकारको साधरण र कम्युनिष्ट शैलीको अभ्यास गरेका थिए त्जयस्नतो अहिले विपरित देखिन्छ l जनवादी  विवाहको उदाहरण पेश गर्दै परम्परागत ढाँचा र शैलीको विरोध गर्दै आधुनिक मितव्ययी र कम्युनिस्ट संस्कृतिको निर्माणमा जोड दिएका थिए l तर आज माओवादी नै सबैभन्दा बढी पुरातनपन्थी भएर निस्किएका छन् l त्यसैले नारायण दाहालको वैवाहिक वर्ष गाँठ समाचारको विषय बनेको हो l 

 
स्मरणीय : प्रचण्ड र सीता दाहालको फोटो रातोपाटीबाट साभार गरिएको हो l