काठमाडौँ, १२ फाल्गुन- दलिताका लागि दलितको आव्हानमा आज भएको प्रदर्शनमा दलित समुदायले 
गृहमन्त्री रमेश लेखकमाथि कारबाही र दलितमाथिको विभेद अन्त्यको माग गरी  प्रदर्शन गरेका छन्। सरकारलाई दबाब दिन उनीहरूले माइतीघरदेखि नयाँ बानेश्वरसम्म र्‍याली लिएर पुगेका थिए l दलितका लागि दलितका संयोजक खगेन्द्र सुनारको अगुवाईमा भएको कार्यक्रममा जातीय हिँसा र अपमान भोगेका नवराजविक लगायतका परिवारको पनि उपस्थिति थियो l 

दलित हिंसा गर्ने गृहमन्त्रीलाई कारबाही गर, अन्तरजातिय विवाह गर्दा गरिने जातीय हिंसा बन्द गर, दलितलाई खै ? लगायतका नारा लेखिएका ब्यानरसहित दलितहरूले प्रदर्शन गरेका हुन् ।

अन्तरजातीय विवाह गर्ने सत्येन्द्र राम र नेहा रौनियारको जोडीलाई गृहमन्त्री लेखककै निर्देशनमा पटक–पटक पक्राउ गरिएको विषयमा दलित अधिकारकर्मीले उनीमाथि छानविन र कारबाहीको माग गर्दै आएका छन्। राष्ट्रिय मानव अधिकार आयोगले सो घटनाको अनुसन्धान गरिरहेको छ । गत असोज तीन गते विशाल प्रदर्शन गरेको 'दलितका लागि दलित र 'दलितलाई खै ?' अभियानले आज पनि विशेष प्रदर्शन गर्दै आगामी असोज तीनमा एक लाख दलितले काठमाडौँ घेर्ने तयारी गरेको र दलितलाई खै अभियान सांगलो सहित देशभर अब प्रदर्शनमा होमिने पनि खग्रेन्द्र सुनारले उक्त सभामा जानकारी गराएका थिए l

अब दलित जागिसकेको हुनाले अन्याय सहेर नबस्ने दलितको मुद्दामा देशव्यापी  रूपमा लडन तयार रहँ पनि सुनारले आग्रह गरेका थिए l गृहमन्त्री र सरकारलाई बारम्बार चेतावनी दिंदै सुनारले अब गृहमन्त्री विरुद्धं अदालतमा जातीय विभेदको मुद्दा दायर गर्ने तयारी रहेको पनि अवगत गराएका थिए l