पूर्व गृहमन्त्री तथा रास्वपाका सभापति रवि लामिछाने सहकारीको रकम अपचलन प्रकरणमा कार्तिक २ गते देखि प्रहरी हिरासतमा छन् र हाल कास्की जिल्ला अदालतमा मुद्दा दर्ता गरेको कारण न्यायिक हिरासतमा छन् l उनको संसद पद निलम्बन गरिएको छ l उनी पुर्पक्षको लागि जेल जान्छन् कि धरौटी जमानतमा रिहा हुन्छन् त्यो अदालतको विषय हो l

रवि लामिछानेलाई अमेरिकामा समेत आर्थिक अपचलनको मुद्दा लागेको र अझै दुई मुद्दा मेरिल्याण्ड राज्यमा छिनोफानो हुन् बाँकी रहेको कुरा सार्वजनिक जानकारीमा नै छ l नेपालमा पनि रवि लामिछानेबारे सहकारी ठगी सम्पति शुद्धिकरण र सङ्गठित अपराधको मुद्दा दर्ता गरिएको छ l

यसरी जताततैबाट सम्पत्तिको विषय उठेको कारण रवि लामिछानेले दोस्रोपटक उपप्रधानमन्त्री एवंम् गृहमन्त्री हुँदा बुझाएको उनको र पत्नी निकिता पौडेलको नामको वैधानिक सम्पत्ति जायजेथा, घरजग्गा, गाडी, सुन,नगद र शेयर यहाँ प्रस्तुत छ l रवि सार्वजनिक व्यक्ति र सम्पत्ति विवरण बुझाउनुपर्ने र सार्वजनिक गर्नु पर्ने हुनाले उनको सम्पत्तिको सार्वजनिकीकरण अन्यथा हुने छैन l 

रवि पत्नी निकिताबारे पनि थुप्रै आशंका बाहिरिएको हुँदा यो सामग्री सान्दर्भिक नै हुनेछ l 

प्रधानमन्त्रीसहित मन्त्रीहरूको सम्पत्ति विवरण सार्वजनिक गरेको छ।

गत जेठ ३, २०८१ मा  बसेको मन्त्रिपरिषद बैठकले प्रधानमन्त्री पुष्पकमल दाहाल 'प्रचण्ड' सहित मन्त्रीहरूको सम्पत्ति विवरण सार्वजनिक गर्ने निर्णय गरेको थियो। सोही सम्पत्ति विवरणमा सार्वजनिक गरिएको रास्वपा सभापति रवि लामिछाने दम्पत्तिको सम्पति विवरण :

१. लामिछानेले  बुझाएको सम्पत्ति विवरणमा पत्नी निकिता पौडेलको नाममा बूढानीलकण्ठ वडा नम्बर ८ मा ५ आना जग्गा रहेकोर उक्त जग्गा तीन करोड ७५ लाख रुपैयाँमा पारिश्रमिकबाट खरिद गरिएको उल्लेख छ ।

२.रवि लामिछानेको नाममा भक्तपुरमा एक रोपनी एक आना जग्गा रहेको छ । यो जग्गा पैतृक सम्पत्ति भएको उल्लेख छ l

३. काठमाडौं महानगरपालिका वडा नम्बर ७ मा निकिताको नाममा १० रोपनी (सगोलमा) जग्गा पनि  उल्लेख गरिएको छ l 

४. लामिछानेले आफूसँग करिब ८० तोला सुन र चाँदीका भाडाकुँडा १५ देखि २० केजीसम्म रहेको र अधिकांश बुवाआमाबाट र केही खरिद गरिएको उल्लेख छ l 

५. रविका नाममा दुइटा बैंकमा गरी एक लाख १० हजार रुपैयाँ रहेको छ l 

 निकिताको विभिन्न बैंक खातामा पाँच लाख ५८ हजारभन्दा बढी रकम  भएको रेकर्ड दिइएको छ l 

 ६. निकिताको नाममा ८ करोड ७५ लाख बराबरको गोपीकृष्ण सेन्ट्रल कम्प्लेक्समा २५ प्रतिशत शेयर रहेको उल्लेख गर्दै  चार वर्ष पहिले घर किन्न एक करोड ५० लाख बैंकबाट कर्जा लिएको पनि बताएइको छ l 

७. निकिताको नाममा ४२ लाख रुपैयाँमा कार २०७९ सालमा किनेको उल्लेख छ ।

८. निकिताकै नाममा तीन करोड रुपैयाँको नारी टिभी, एक करोडको गोपीकृष्ण कामाक्ष्य मिडिया कम्पनी रहेको उल्लेख छ ।

स्मरणीय: फोटो रवि लामिछानेको फेसबुक वालबाट साभार