काठमाडौं,कार्तिक २ - राष्ट्रिय स्वतन्त्र पार्टी (रास्वपा) का सभापति तथा पूर्वगृहमन्त्री रवि लामिछाने पक्राउ परेका छन् । उनलाई पार्टी कार्यालय वनस्थलीबाट केन्द्रीय अनुसन्धान ब्यूरो (सीआइबी)को टोलीले पक्राउ गरेको हो ।

 रविलाई पक्राउ गर्न सीआईबीका एसबी हविन्द्र बोगटी ठूलो दलबलसहित रास्वपा कार्यालय पुगेका थिए । कार्यालय परिसरमा रास्वपा कार्यकर्ताको बाक्लो उपस्थिति भए पनि उनीहरूले कुनै अवरोध गरेनन् ।

रास्वपा नेताहरूले प्रहरीलाई असहयोग नगर्न आग्रह गरेका छन् । लामिछानेलाई स्थलमार्गबाट आजै कास्की लगिने छ । रास्वपाका केही नेता कार्यकर्ताहरू प्रहरीको गाडी सँगसँगै कास्की जाने तयारीमा लागेका छन् l 

दिउँसोदेखि जम्मा भएका र नाराबाजी गरेर बसेका कार्यकर्ताहरूले पक्राउलाई अवरोध गर्ने भयले ठुलो संख्यामा प्रहरी रास्वपा कार्यालय वरपर परिचालित थियो l 

 कास्की प्रहरीले रवि लामिछानेलाई पक्राउ गर्न केन्द्रीय अनुसन्धान ब्यूरो (सीआईबी)लाई पठाएको पत्र :