काठमाडौँ, असोज १३ - असोज ११ र १२ मा परेको पानी र त्यसबाट उत्पन्न बाढीपहिरो र डुबान जस्ता प्रकोपमा परी देशभर हालसम्म प्राप्त जानकारी अनुसार  १०२ जनाको मृत्यु भएको छ, भने ६७जना बेपत्ता भएका छन् । विपद्मा परी ५० भन्दा ज्यादा घाइते भएका छन् l गोरखाबाट काठमाडौं हिँडेको एउटा बस सम्पर्क विहीन भएको छ l 

 बाढी पहिरोमा परी ललितपुर, धादिङ, काठमाडौँ, काभ्रे, मकवानपुर, सिन्धुपाल्चोक, सोलुखुम्बु, पाँचथर, भक्तपुर, दोलखा, सिन्धुली, धनकुटा, महोत्तरी, रामेछाप, झापा, उदयपुर , इलाम, सप्तरी र नुवाकोट लगायत जिल्लाहरूमा मानवीय क्षति र अन्य भौतिक क्षति भएकाे छ ।

 गृह मन्त्रालयले स्रोतले उल्लेख गरे अनुसार बाढीपहिरो प्रभावित क्षेत्रमा खोजी र उद्धारका लागि नौ हजार नौ सय ८३ सुरक्षाकर्मी परिचालन गरिएका तथा हालसम्म तीन हजार  भन्दाधेरैको उद्धार गरिएको छ l  सुनकोसी नदीमा रहेको झुलुंगे पुल र सिन्धुली रामेछापको सिमानाको खुरकोटको पक्की पुल र ओखल ढुङ्गा हर्कपुर जोड्ने पक्की पुल र बीपी राजमार्गका थुप्रै ठाउँमा मोटरबाटो बाढीर पहिरोले बगाएको जानकारी प्राप्त भएको छ l  देशभर पहिरोको जोखिममा दर्जनौ गाउँहरू रहेका छन् l