पछिल्लोपटक नेपाली राजनीतिमा आसाको नजरले हेरिएका जनमत पार्टीका अध्यक्ष सिके राउतको पनि पारिवारिक सम्बन्ध अर्थात श्रीमतीसँगको सम्बन्धमा दरार पैदा भएर सम्बन्ध विच्छेदको लागि मुद्दा  जिल्ला अदालत ललितपुरमा पुगेको छ l 

पत्नी सोनी सिन्धु रानीसँग सम्बन्ध विच्छेदका लागि राउतले आफै भदौ १२ गते जिल्ला अदालत पाटनमा मुद्दा दायर गरेको अदालत प्रशासनले जनाएको छ ।

उनले ‘अंश र सम्बन्धविच्छेद’ शीर्षकमा मुद्दा दायर गरेको जिल्ला अदालत ललितपुरका प्रवक्ताले जानकारी दिएका छन् l महालक्ष्मी नगरपालिका वडा नम्बर ४ इमाडोल बस्दै आएका राउतले आफूहरूको सम्बन्ध नमिलेका कारणले विच्छेद गरिपाऊँ भन्दै मुद्दा दायर गरेका हुन् ।

 उनकी श्रीमती रानी भारतीय नागरिक हुन् । उनी माइतीमा मात्रै जाने गरेको, सम्बन्ध राम्रो नभएको, लगायतका विषयहरू उल्लेख गरेर सम्बन्ध विच्छेद गर्न चाहेको उल्लेख गरेका छन् ।राउत दम्पतीका  दुई छोरी र एक छोरा छन् । छोराछोरीलाई पनि आफूसँगै राख्न राउतले माग गरेका छन् ।

मधेशी मूलबाट नेपालको प्रधानमन्त्रीको सम्भावना भएका नेताको पारिवारिक सम्बन्ध दुर्भाग्यपूर्ण बन्नुले उनको राजनीतिलाई असर नगर्ला भन्न सकिन्न l 

स्मरणीय : फोटो विकिपिडिया