काठमाडौँ, भदौ १३-  नेकपा एकीकृत समाजवादीकी नेतृ रामकुमारी झाँक्री  उपाध्यक्षमा (पदाधिकारी ) पराजित भए पनि  पनि पोलिटब्युरो सदस्यमा भने विजयी भएकी छन्  । आज सार्वजनिक मतपरिणाम अनुसार उनले १८२ मतका साथ चौथो स्थानमा रहेर पोलिटब्युरोमा आफ्नो स्थान सुरक्षित गरेकी हुन् l  

 महिला उपाध्यक्षमा झाँक्री जयन्ती देवी राईसँग पराजित भएकी थिइन् । झाँक्रीले ११३ मत पाउँदा विजयी भएकी राईले १९८ मत पाएकी थिइन् ।

 एमाले विभाजित भएर एकीकृत समाजवादी बन्दा  झाँक्रीले माधव नेपाललाई बलियो साथ दिएकी थिइन् । पार्टी विभाजन पछिको पहिलो महाधिवेशन पश्चात् भएको पदाधिकारी चयनमा  पराजित भए पनि पोलिटब्युरोमा भने उनी विजयी भएकी हुन् । ओलीलाई विस्थापन गरेपछिको देउवा मन्त्री मण्डलामा नेकपा एस तर्फबाट शहरी विकास मन्त्रीको कार्यभार पनि सम्हाल्ने मौका पाएकी व्यक्ति हुन् l मन्त्री मण्डलबाट फिर्ता बोलाएपछि पार्टीसँग असन्तुस्ट झाँक्री पदाधिकारीमा पराजय हुनुको एउटा कारण भनेर विश्लेषण गरेको पाइन्छ l  

तस्बिर : विकिपिडिया