काठमाडाैँ – भक्तपुरकाे गठ्ठाघरमा दुर्घटना हुँदा मृत्यु भएकी भनिएकी दाेलखाकाे मेलुङ ४ घर भई काठमाडाैँकाे बागबजार बस्ने २३ वर्षीय सुष्मा नेपाली प्रहरीकाे सम्पर्कमा आएको कुरा प्रहरीले जानकारी दिएको छ l  महिला मृतककाे भने अझै परिचय खुलेकाे छैन।

बिहीबार दिउँसो कोटेश्वरबाट भक्तपुर जाँदै गरेको ना ६ ख २१७३ नम्बरको ट्रकले बा ४९ प ८९४४ नम्बरकाे स्कुटरलाई ठक्कर दिँदा स्कुटर चालककाे महिलाको मृत्यु भएकाे थियाे।

यसअघि काठमाडाैँ उपत्यका प्रहरी कार्यालय रानीपाेखरीका प्रवक्ता प्रहरी वरिष्ठ उपरीक्षक दिनेशराज मैनालीले मृत्यु हुनेमा दाेलखाकाे मेलुङ ४ घर भई काठमाडाैँकाे बागबजार बस्ने २३ वर्षीय सुष्मा नेपाली रहेको जानकारी दिएका थिए तर, मृत्यु भएको भनिएकी सुष्मा नै प्रहरी सम्पर्कमा पुगेकी छन् l 

जिल्ला प्रहरी परिसर भक्तपुरका अनुसार एक व्यक्ति घटनास्थलमा भएकाे कपडा र चप्पल देखेर मेराे बहिनीकाे शव हो भन्दै प्रहरीमा आएका थिए । त्यसैकाे आधारमा प्रहरीले मृतककाे पहिचान खुलाएकाे थियाे। त्यो गलत सावित भयो l 

जसले मेराे बहिनी भनेर आएकाे थियाे उनी पनि घटनास्थलमा भएकाे सामान देखेर कन्फ्युज भएका रहेछन् ।