सबैभन्दा धेरै सुन  डीपी अर्याल र धनबहादुर बुढासँग १५० तोला सुन रहेको छ भने दोस्रो धेरै सुन हुने मन्त्रीमा  भगवती चौधरी - सुन ८५ तोला  रहेको छ त्यस्तै तेस्रो धेरै सुन बटुल्ने मन्त्रीमा उपप्रधान तथा गृहमन्त्री रवि लामिछाने छन् l
१.प्रधानमन्त्री  श्री पुष्पकमल दाहाल ‘प्रचण्ड’  - सुन - ५  तोला

माननीय मन्त्रीहरू :

 २. श्री रघुबीर महासेठ- भौतिक पूर्वाधार तथा यातायात  - सुन ४३ तोला 
 ३.श्री नारायणकाजी श्रेष्ठ -परराष्ट्र - सुन  छैन 
 ४.श्री रवि लामिछाने- गृह - सुन -  ८० तोला 
 ५.श्री वर्षमान पुन -अर्थ - सुन छैन 
 ६.श्री शक्तिबहादुर बस्नेत -ऊर्जा, जलस्रोत तथा सिँचाई -  सुन 
  ७.श्री भानुभक्त जोशी - सङ्घीय मामिला तथा सामान्य प्रशासन - सुन 
 ८.श्री हितबहादुर तामाङ - संस्कृति, पर्यटन तथा नागरिक उड्डयन - सुन - ६ तोला 
 ९.श्री रेखा शर्मा - सञ्‍चार तथा सूचना प्रविधि - सुन - ६ तोला 
 १०.श्री पदम गिरी - कानुन, न्याय तथा संसदीय मामिला - सुन - २३ तोला 
 ११.श्री ज्वालाकुमारी साह - कृषि तथा पशुपंक्षी विकास - सुन 
 १२.श्री प्रदीप यादव - स्वास्थ्य तथा जनसङ्‌ख्या
 १३.श्री बलराम अधिकारी -  भूमि व्यवस्था, सहकारी तथा गरिबी निवारण
 १४.श्री दामोदार भण्डारी - उद्योग, वाणिज्य तथा आपूर्ति
 १५.श्री भगवती चौधरी - महिला, बालबालिका तथा ज्येष्ठ नागरिक - सुन ८५ तोला 
 १६.श्री राजेन्द्रकुमार राई - खानेपानी - सुन १० तोला 
१७.श्री हरिप्रसाद उप्रेती - रक्षा - सुन 
 १८.श्री धन बहादुर बुढा - सहरी विकास - सुन - १५० तोला 
 १९.श्री डोल प्रसाद अर्याल - श्रम, रोजगार तथा सामाजिक सुरक्षा - सुन १५० तोला 

२०.श्री सुमना श्रेष्ठ - शिक्षा, विज्ञान तथा प्रविधि - सुन ११ तोला 
 २१.श्री विराज भक्त श्रेष्ठ - युवा तथा खेलकुद - सुन - १५ तोला 
 २२.श्री नवलकिसोर साह सुडी -  वन तथा वातावरण - सुन - ५६ तोला 
 
 माननीय राज्यमन्त्री

२३. श्री हसीना खान - स्वास्थ्य तथा जनसङ्‌ख्या - सुन - 

सार्वजनिक सम्पत्ति विवरण अनुसार २३ मन्त्रीमध्ये सबैभन्दा धनी उपप्रधान तथा भौतिक पूर्वाधार तथा यातायात मन्त्री रघुवीर महासेठ देखिएका छन् । मन्त्री महासेठको नाममा जनकपुरमा १ विगाह १५ कट्ठा जग्गा रहेको छ भने २ करोड २५ लाख बैंकमा पैसा रहेको उल्लेख छ। उनले पैतृक सम्पत्ति बेचेर सम्पत्ति आर्जन गरेको विवरणमा उल्लेख गरेका छन्।मन्त्री महासेठसँग ४३ तोला सुन र १.५ केजी चाँदी रहेको छ। श्रीमती जुलिकुमारीको नाममा फाइनान्स, लघुवित्त, बैंक गरी २ करोड ५० लाख नगद र ५ लाख सेयर रहेको उल्लेख गरेका छन्।

 जुलिकुमारी महतोको नाममा जनकपुर उपमहानगरपालिकामा ३ कट्ठा, ललितपुरमा २ रोपनी १३ आना २ पैसा १ दाम, धनुषामा ७ विगाह ३ कट्ठा, सिन्धुलीमा ४ कट्ठा, ललितपुरमा १ रोपनी ७ आना, धनुषमा ३ कट्ठा ११ धुर रहेको विवरणमा उल्लेख छ । श्रीमतीको नाममा विभिन्न कम्पनीको ३ करोड ५५ लाखको सेयर रहको छ ।

उपप्रधानमन्त्री महासेठ नेकपा एमालेका सचिव समेत रहेका छन् ।
यस्तै, सार्वजनिक गरिएको सम्पत्ति विवरण अनुसार सबैभन्दा गरिब उपप्रधान तथा परराष्ट्रमन्त्री नारायकाजी श्रेष्ठले देखिएका छन् ।

मन्त्री श्रेष्ठको गोरखा सिरानचोक ८ मा करिब ३८ रोपनी पैतृक सम्पत्ति रहेको छ । त्यो पनि २०५८ सालमा पार्टीमा हस्तान्तरण घोषणा गरिएको र प्रक्रियामा रहेको श्रेष्ठले उल्लेख गरेका छन् ।

सिंहदरबारस्थित रावा बैंकको खातामा तलब सुविधाको १ लाख २२ हजार ९१८ रूपैयाँ मौज्दात छ। प्रधानमन्त्री समेत नेकपा माओवादी केन्द्रका अध्यक्ष प्रचण्डले प्रयोगका लागि चढ्न दिएको महिन्द्रा गाडी आफूसँग रहेको उल्लेख गरेका छन् । मन्त्री श्रेष्ठ नेकपा माओवादी केन्द्रका वरिष्ठ उपाध्यक्ष पनि हुन्।