काठमाडौं, पुस, ५ 

क्रिश्चियन धर्मको प्रचारमा गरेको एउटा विवादस्पद उग्र र असन्तुलित भाषणले  पर्यटनमन्त्री सुदन किराँती विवादमा मुछिएका छन् । उनले क्रिश्चियन नमान्नेहरूलाई संविधान विरोधी  र देशद्रोहीको संज्ञा दिएका थिए ।

‘नेपालको संविधानले सबैलाई आफ्नो धर्म मान्ने स्वतन्त्रता दिएको छ । क्रिश्चियनलाई मान्दिन भन्नेहरू संविधान विरोधी हुन् । देशद्रोही हुन् । उनीहरूलाई हतकडी लगाएर जेल हाल्ने हो’ किराँतीले उत्तेजित बन्दै भने।

हिजो काठमाडौंमा आयोजित क्रिश्चियन महोत्सवको कार्यक्रममा किराँती प्रमुख अतिथि बनेर पुगेका थिए । आफू राज्यको जिम्मेवार पदमा रहेको बिर्सेर उनी क्रिश्चियन धर्म प्रचारकका रूपमा प्रस्तुत भए । किराँतीले यस क्रममा प्रधानमन्त्री पुष्पकमल दाहाललाई पनि मुछ्न पुगे ।

किराँतीको बोलीलाई लिएर उनको चौतर्फी आलोचना भएको छ भने हिन्दुवादीहरूले उनको विरोधको कार्यक्रम समेत राखेका छन् l मन्त्री किराँतीलाई वर्खास्त गर्नु पर्ने माग पनि चर्को रूपमा उठेको छ l उनको विरोधले सामाजिक सन्जाल भरिएका छन् भने केहीले क्रिश्चियन नमान्नेहरूलाई संविधान विरोधि र देशद्रोहीको संज्ञा दिएको विषयलाई क्रिश्चियन धर्मको अस्तित्व पनि मान्नु पर्ने र संविधान नै धर्म निरपेक्ष भएको अर्थमा उनी चिप्लेका हुन् तर आशय उनको गलत छैन भनेर किराँतीको पक्षमा पनि केही आवाज आएका छन् l 

मन्त्री किराँतीको बोली पदीय मर्यादा विपरित भएकोमा सर्वत्र आलोचना भइरहेको छ l धार्मिक संवेदनशीलता ध्यान दिएर बोल्नु पर्थ्यो भन्नेमा किराँतीहरूकै समर्थक पनि मत रहेको छ l उनीहरू भन्छन्: 'किराँती चिप्लिएका हुन् इन्टेन्सन गलत होइन l किराँतीको विरुद्ध बोल्ने हरूको तर्क छ किराँती चिप्लिएका होइनन् आफ्नो अभीष्ट प्रकट गरेका हुन् l तसर्थ उनी पदच्युत हुन योग्य छन् l'