काठमाडौ, कार्तिक, १२ 

आफ्ना श्रीमान् को हत्यारालाई कारबाही गर्नुपर्ने माग राख्दै भारती शेर्पाले  माइतीघर मण्डलामा पुनः रिले अनसन सुरु गरेकी छन् ।

श्रीमानको हत्या गरेको आरोपमा थुनामा रहेका ‘गुण्डा नाइके’ रिगल भनिने योगराज ढकाललाई संविधान दिवसको अवसरमा आममाफी दिएपछि प्रतिवादमा उत्रिएकी नेपालगञ्जकी मानन्धरले पुनः रिले अनसन सुरु गरेकी हुन् ।

श्रीमान् चेतन मानन्धरको हत्या अभियोगमा जेल परेका रिगललाई गत ३ असोजमा सरकारको सिफारिसमा राष्ट्रपति रामचन्द्र पौडेलले आममाफी दिएपछि परिवारले विरोध गर्दै आएका छन् । 

भारतीले आजबाट माइतीघर मण्डलामा पुनः रिले अनसन सुरु गर्नुभएको हो । २०७२ सालको असारमा दुई समूहबीच आपसी विवाद हुँदा बाँके नेपालगञ्जका चेतन मानन्धरको हत्या भएको थियो ।   दसैं अघि देखि सुरू भएको भारतीको अनसन दसैंको लागि स्थगित गरिएको थियो l