काठमाडौँ,२३ असोज : 'भीम-माया स्मृति पुरस्कार-२०८२' बाट समाजसेवी अभियन्ता आशिका तामाङ सम्मानित भएकी छन् l जेनजी आन्दोलनका क्रममा घाइते भएका व्यक्तिहरूलाई आधारभूत सहयोग पुर्याउदै आउनु भएकी समाजसेवी श्री आशिका तामाङज्यूलाई उहाँको महत्वपूर्ण  योगदानको सम्मान गर्दै सोही प्रयोजनका लागि रू ५०,०००/- (पचास हजार) नगदसहित सम्मानपत्र समर्पण गरिएको छ ।' पुरस्कारका संस्थापक डा. मानबहादुर विकले बताउनु भएको छ l 
२०६२ सालमा स्थापित यो पुरस्कार गत साल जाजरकोटमा गएको भुकम्प पीडितलाई राहत दिनका लागि प्रयोग गरिएको थियो । रु १०,०००/- बाट सुरु गरिएको पुरस्कारको राशी बढाउदै २०७५ सालदेखि रु. ५०,०००/- पुर्याइएको छ । पूर्व सचिव मानबहादुर विकेले आफ्ना बुबा आमाको नाममा स्थापना गर्नु भएको 'भीम-माया स्मृति पुरस्कार' विविध क्षेत्रमा योगदान गर्ने व्यक्तित्वहरूलाई प्रदान गरिन्छ l 
आज असोज २३ गते Gen Z पुस्ताले गरेको आन्दोलन महिना दिन पुग्यो । यो अवधिमा जेनजी घाइतेहरूलाई आवश्यक सहयोग गर्ने काम त भएकै थियो तर आज बाआमाको नाममा स्थापित पुरस्कार समाजसेवी आशिका तामाङलाई हस्तान्तरण गर्न पाउँदा खुशी लागेको कुरा डा. मान वीकेले बताउनु भयो  l