साउन, १८ काठमाडौं: व्यक्तिगत घटना विवरणको कारण अनेक झन्झट व्यहोरिरहेका र सास्ती खपिरहेका  नेपाली नागरिकलाई अब राहत पाउने वातावरण बनेको  छ । राज्यले केही नेपाल ऐनलाई संशोधन गर्दै अब व्यक्तिगत घटना विवरण सच्याउन मिल्ने स्थिति सिर्जना गरेको छ l 

राष्ट्रिय परिचयपत्र तथ पञ्जिकरण ऐन २०७६ मा बालबालिकाको जन्मदर्ता एक वर्षभित्रमा सच्याउन मिल्ने व्यवस्था गरेको थियो । उक्त व्यवस्था पनि २०७६ सालभन्दा पछि जन्मिएका बच्चाहरूका हकमा मात्रै लागू थियो ।जसको कारण जन्म दर्ता गरेर पनि त्यसपछिका कागजपत्र नबनाइदिनेहरूका सन्तानले दु:ख पाएका थिए ।

यही असहजतालाई अन्त्य गर्न  राष्ट्रिय परिचयपत्र तथा पञ्जीकरण विभागले ऐन संशोधनको प्रक्रिया अघि बढाएको थियो । अब संशोधित ऐनअनुसार जम्मा एकपटकका लागि भने त्यो मौका मिलेको छ । कुनै व्यक्तिगत घटना दर्ताको विवरणमा उल्लेखित नाम, थर, उमेर वा अन्य विवरण सच्याउनुपरेमा सम्बन्धित व्यक्तिले एकपटक स्थानीय पञ्जाधिकारीको कार्यालयमा तोकिएको ढाँचामा निवेदन दिन सक्नेछ ।

अब गृह मन्त्रालयले ढाँचासहितको नियमावली तयार पारेपछि सोहीअनुसार स्थानीय तहका निवेदन दिन सकिनेछ र आफ्नो विवरणलाई सच्याउन कानुनले दिएको सीमासम्म रहेर हेरफेर गर्न सकिनेछ l 

स्मरणीय : तस्बिरमा एआइको सहयोग लिइएको छ l