काठमाडौँ- फोक्सोमा पानी जमेर उनी दुई साता अघिदेखि मेडासिटी अस्पतालमा उपचारत चूडामणि गौतमको निधन भएको छ । उनको ८२ वर्षको उमेरमा सोमबार काठमाडौँमा निधन भएको हो ।फोक्सोमा पानी जमेर उनी दुई साता अघिदेखि मेडासिटी अस्पतालमा उपचाररत थिए । 

गौतमले लेखेको अङ्ग्रेजी ग्रामर २०३७ सालमा प्रकाशित भएको थियो ।तेह्रथुमको खाम्लालुङमा जन्मिएका गौतम ग्रामर गुरुका नामले नेपाली शिक्षा क्षेत्रमा प्रसिद्ध थिए l 

गौतमले १४ सय पृष्ठको गौतम एडभान्स लर्नर्स डिक्सनरी, नेपाली–इङ्ग्लिस डिक्सनरी, राम्रो अङ्ग्रेजी बोलचाल अभ्यास, गौतम व्यावहारिक नेपाली शब्दकोश, विवादित वर्णविन्यासको नेपाली शब्दकोश, नेपाली शब्दको दुर्दशा, फूलको माला क्या मज्जा, नेपाली शुद्धाशुद्धि ज्ञान, नेपाली व्याकरण तथा रचना, विद्यालयको नेपाली शब्दकोश लगायतका भाषा सम्बन्धी पुस्तक लेखेका छन् । 

गौतमले ०७९ भदौ ११ गते ‘बृहत्तर नेपाली शब्दकोश’ प्रकाशमा ल्याएका थिए l 

अंग्रेजी भाषालाई पृष्ठभूमि बनाएर भाषा सेवामा लागेका चुडामणि गौतमले पछिल्लो समय नेपाली भाषामा पनि उलेख्य योगदान गरेका छन्  l 

स्मरणीय : फोटो सामाजिक संजालबाट साभार l