यो मेरो कहानी हो !
यसको हिरो पनि मै ,भिलेन पनि मै
यसको लेखक, प्रोडुसर तथा डाइरेक्टर सबै सबै मै
बस खाँचो छ यौटा यस्तो सहयात्री पात्रको
जसले पाठ सिकेको होस् नैतिकताको, 

सिकाएको होस सामाजिक मूल्यको दृष्टान्त 
जसले बुझेको होस् ईमान्दार हुनुको अर्थ
जसको मनमा भगवानको भर होस् 
अलिकती ईज्जत र चरित्र को डर होस्  ।

बरू तेल म थप्दै जाउँका, बत्ती बनेर मै जलुला 
छेकोस सानातिना हावाका छेस्काहरूबाट
अनि निभ्न नदेओस् बिश्वासको दियो ।
बरू,

नहेरूला घरपरिवार, कुल र खानदान,

नहेरूला रुपै र रङ्ग, चाहिंदैन धन सम्पत्ति 

बरू,

उसलाई चाहिएको दिने क्षमता छ मसँग

कुनै ठुला आशा र अपेक्षा छैनन्

अरू  ,
सकुनको सिस्नो खाएर प्रेमको झुपडीमै रमाउला बरु..
बस बुझोस् मौनताको मर्म,

निभाओस  प्रेमको धर्म
सँगै बाडौला नि  ! सुख, दुख हाँसो रोदन र कर्म . .

यो मेरो कहानी हो !
यो कहानीले सह पात्र भेट्टाएको दिन
हुनेछ यौटा नुतन सपनाको सुरूवात
नयाँ उडानको तयारी 

अनि बन्नेछ
मेरो कहानी ! पनि हाम्रो कहानी !!

फेरिने छ मेरो सुख दुख, हाम्रो सुख:दुखमा 

जसलाई रिलिज गरौला नि 
हाम्रो आफ्नै जिन्दगी नामको सिनेमा घरमा
"म रामकाे राेलमा या रावणकाे राेल मा बाँचु ? 

म राम बनूँ कि रावण ? 

पुकार प्रेमानन्द