काठमाडौं, माघ, २३ 

 रत्नपार्कस्थित शान्ति बाटिकामा २४ दिनदेखि  अनशन बस्दै आइरहेकी आरती रावललाई नगर प्रहरीले बाहिर निकालेपछि रावलले विष सेवनको प्रयास गरेकी छन् । नगरप्रहरीले तत्काल हस्तक्षेप गरेर उनलाई रोके ।

आज नगर प्रहरीले बिहानै शान्ति बाटिकामा अनशन र धर्नामा बसेकाहरूलाई लखेटेको थियो । त्यस क्रममा अरूसँगै आरती रावल पनि निकालिइन् ।

 प्रहरीले सामान निकाल्न प्रयास गर्दा आरतीले आफूसँग रहेको विषको बोतल घुर्क्याउने प्रयास गरिन् । तर, प्रहरीले उनको हातबाट बोतल खोस्यो । त्यसपछि उनका सामानहरू बाहिर निकालेर मिल्काइदिएका थिए

उनी न्यायाधीश भुवन गिरीकी पत्नी हुन् l आफ्ना पतिलाई वैवाहिक बलत्कारको आरोप सहित उनी संघर्षमा छन् l 

  श्रीमानलाई थुनामा राखेर मुद्दा चलाउनुपर्ने माग सहित उनले अनशन सुरु गरेकी हुन् ।

।आरतीको हातमा लगाएको स्लाइन खुस्किएको थियो । उनी लगातार चिच्याइरहेर वातावरण कोलाहलमय थियो l