काठमाडौँ, माघ, १० 

चिकित्सा शिक्षा आयोगले  एमबीबीएस र बीडीएस शैक्षिक कार्यक्रमहरूका लागि बंगलादेश सरकारबाट प्राप्त छात्रवृत्तिमा अध्ययनकालागि विद्यार्थी छनौट गरी पठाउन चिकित्सा शिक्षा आयोगले आवेदन माग गर्दै सूचना प्रकाशित गरेको छ । 

 शिक्षा, विज्ञान तथा प्रविधि मन्त्रालय छात्रवृत्ति शाखाको पत्र अनुसार बङ्गलादेश सरकारले नेपाल सरकारको लागि शैक्षिक सत्र २०२३ / २४ मा स्नातक तहको मबीबीएस र बीडीएस शैक्षिक कार्यक्रमहरूमा छात्रवृत्तिका सिट प्राप्त भएको र सोका लागि उम्मेदवार छनौट गरी पठाउन भनी लेखी आएको आयोगले उल्लेख गरेको छ l 

उक्त छात्रवृत्तिमा अध्ययन गर्न योग्यता पुगेका इच्छुक नेपाली उम्मेदवारहरूले माघ १२ गते अपराह्न ३:०० बजेभित्र आफ्नो प्रोफाइलमार्फत अनलाइन आवेदन पेस गर्न आव्हान गरिएको छ । सो सम्बन्धी विस्तृत सूचना आयोगको वेबसाइट https://mec.gov.np मा प्रकाशित गरिएको छ । नेपाल सरकार चिकित्सा शिक्षा आयोग सानोठिमी भक्तपुरले प्रकाशित गरेको सूचनामा कुन कुन विधामा कति सिट भन्ने उल्लेख भने गरिएको छैन l चिकित्सा शिक्षा आयोगद्वारा प्रकाशित सूचना :