काठमाडौं, माघ, ८

आज पार्टी कार्यालयमा पत्रकार सम्मेलन गर्दै रविले आफू कार्यरत छँदा बोर्डले गरेका सबै निर्णयहरूको प्रतिलिपि बोकेर आएका थिए । उनले पत्रकारलाई प्रतिलिपी देखाउँदै भने, ‘यी कुनै पनि निर्णयमा सहकारीबाट पैसा लिने कुरा उल्लेख छैन । जब बोर्ड वैठकमा नै छलफलमा आएको छैन भने मैले कसरी थाहा पाउँछु ?’

लामिछानेले आफू ग्यालेक्सी टिभीमा हुँदा सहकारीको पैसा दुरुपयोग गरेको आरोप अस्वीकार गर्दै आफू टीभीमा आवद्ध हुँदा कुनै पनि बोर्ड बैठकले सहकारीबाट पैसा ल्याउने निर्णय नगरेको निर्णय देखाउँदै पत्रकारलाई विश्वस्त पार्ने प्रयास गरे l 

सहकारीबाट पीडित भएकाहरूले नैतिक जिम्मेवारी आफूले लिने उनले बताए । पार्टीले सहकारी पिडितका पक्षमा अन्तिमसम्म लड्ने उनको प्रतिवद्धता व्यक्त गरे l 

 समस्यालाई गम्भीररुपमा लिएर हाम्रो पार्टीले समाधानका उपायहरूसहित प्रतिवेदन बनाएको छ । तर, मैले बोल्दै नबोलेको कुरालाई हेडलाइन बनाइयो । मैले सहकारी पीडितको पैसा सरकारले तिर्नुपर्छ भनेर कतै भनेको छैन । हेडलाइनका तीरहरूले अब म तर्सिन्न । मलाई प्रमाण चाहिन्छ’, उनले भने ।

 
कान्तिपुर दैनिकले सहकारी ठगीमा बारम्बार आफूलाई मुछ्न खोजेको भन्दै उनले आपत्ति जनाए । यदि गल्ती गरेको भए सजाय खेप्न तयार रहेको उनको भनाइ छ ।

‘कान्तिपुरले सरासर गलत हेडलाइन राखेको छ । यदि समाचारमा लेखिएजस्तो मेरो खातामा १ करोड ८० लाख जम्मा भएको हो भने त्यही पत्रिकाले लगे हुन्छ । म सजाय खेप्न पनि तयार छु । तर, गलत समाचार सच्याउन कान्तिपुर तयार छ ?’, उनले प्रश्न गरे ।

आफू सञ्चारमाध्यमको स्वतन्त्रताको पक्षमा रहेको तर सञ्चारमाध्यम पनि प्रश्नभन्दा बाहिर नहुने रविले बताए ।

‘बालकृष्ण खाँणको समाचार लेख्दा लेख्दै रोकिएपछि एकजना पत्रकारले राजीनामा दिए । त्यही समाचार अर्को सञ्चारमाध्यममा प्रकाशित भयो’, उनले भने, ‘हामीले चाह्यौं भने यस्ता धेरै विषय बाहिर ल्याउन सक्छौं । तर, हामीलाई जोरी खोज्नु छैन ।’

गत वर्ष गरेको पत्रकार सम्मेलनमा सञ्चारमाध्यममाथि तीव्र आक्रमण गरेका रवि आज भने शान्त र संयमितरूपमा मात्र पेश भएनन् विगतमा सत्ताच्युत हुँदा विभिन्न व्यक्तिको नाम लिएर गरेको पर्सनल व्यक्तिगत आक्षेपमा क्षमायाचना समेत गरे l मिडियासँग जोरी खोज्ने अभीष्ट नभएको तर्क गरे l