काठमाडौं,असोज,७

महानगरको कार्यशैलीविरुद्ध काठमाडौँको सभागृहअघि पम्प्लेट बोकेर उभिरहेका छन् गत मङ्गलबार २ गते देखि २८ वर्षीय ई :  l सुन्निएका गोडा, हातमा ‘जस्टिस फर स्ट्रिट भेन्डर’, ‘मानवता, समानुभूति र जवाफदेहीता नभएको युवा सरकार कसरी फरक भयो? लगायतका पम्प्लेट लिएर काठमाडौँका स्थानीय ई :राष्ट्रिय सभागृहबाहिर लगातार छैटौं दिनदेखि उभिएर ध्यानाकर्षण गराइरहेका छन् l 

को हुन् अभियन्ता ई :  ?

आफ्नो नाम समेत स्पष्ट खुलाउन नचाहने इशान अधिकारी आफूलाई ईः भनेर चिनाउँछन् । संविधान मेरो होइन भनेर सिंहदरवारमा केही वर्षअघि रातो पोतेर चर्चामा आएका उनी तत्कालीन प्रधानमन्त्री केपी शर्मा ओली नेतृत्वको सरकारविरुद्ध सन्चालित 'इनफ इज इनफ' अभियानको नेतृत्वमा थिए ।

विशेषगरी संविधान सभाबाट संविधान जारी भएपछि  ‘यो मेरो संविधान होइन’ भन्ने अभियानका क्रममा उनले सिंहदरवारको पर्खालमा रातो पोतेका थिए ।

अकुपाई बालुवाटार, हनुमानढोका निजीकरण गर्न खोजेको विरुद्धको अभियान, म स्वदेशी भन्ने सामाजिक काम र अभियानहरूमा पनि उनलाई देख्न सकिन्थ्यो । विवेकशील नेपाली दल गठनको क्रममा सहयोग गर्ने मध्येका उनी पनि एक थिए ।

कोभिड महामारीको बेला ओली सरकारविरुद्ध २३ दिन ‘अनसन’ बसेका थिए । उनी अनशन बसेको अस्पपतालमा नै ओली उनलाई भेट्न पुगेका थिए l त्यैबेला उनलाई १२ दिनसम्म अनशन बसेर पुकार बमले साथ दिएका थिए l पुकार पनि उनको अभियानमा ऐक्यवद्द्ता जाहेर गर्न हिजो पुगेका थिए भने आज विवेकशील नेपालीका शशिविक्रम कार्कीलगायतले उनलाई साथ दिइरहेका छन् l  ईः महानगरपालिकाका मेयर बालेन शाहसँग जवाफदेहीता खोज्दै सभागृह अगाडि उभिन थालेका हुन् । फुटपाथ व्यवसायी पनि नारा जुलुस सहित राष्ट्रिय सभा गृह अगाडि धर्नामा छन् l 

उनलाई सुरूवाती दिनमा विवेकशील साझा पार्टीले अभियानमा सघाएको थियो भने व्यक्तिगतरूपमा गगन थापालगायतका नेताको साथ थियो । केही मिडियाको समेत सहयोग लिएर अघि बढेका ईः आफूलाई केहीको माया नभएको फकिर भन्न रुचाउँछन् ।

पछिल्लो समय करीव आधा दर्जन सहयोगीसहित उनी मेयर बालेन शाहको जवाफ खोजेर उभिएका छन् । बालेनले भने उनलाई कुनै वास्ता खोजी गरेका छैनन् । धर्नामा उनी उभिएर नै बसेका छन् l उभिदा उनको  खुट्टा सुन्निएर हात्ती पाइले लागेको गोडाजस्तै भएको छ l झरी घाम पानी केहीको परवाह नगरी ईः उभिएर नै विरोध प्रदर्शन गरिरहेका छन् l विरोध र ध्यान आकर्षणको यो शैली नौलो देखिएको छ l 

 गगन थापाले आइतबार विज्ञप्ति जारी गर्दै राष्ट्रिय सभागृहबाहिर छैटौं दिनसम्म उभिएर ध्यानाकर्षण गरिरहेका अभियन्ता ईःलगायतका साथीका बारेमा महानगर प्रमुखसँग भेटेरै कुरा गर्न कोसिस गरिरहेको बताएका छन् ।