गैरनाफामुलक सामाजिक संस्था युनिभर्सिटी अफ थ्री जेनेरेसनको आयोजनामा 'ब्रेक थ्रु विथ रोहित मल्ल' नामक एक दिने युवा उत्प्रेरणात्मक कार्यक्रम संचालन हुन गैरहेको छ । यही भदौ १९ गते मंगलबारका दिन काठमाडौँ स्थित नेपाल प्रज्ञा प्रतिष्ठानको सभा हलमा कार्यक्रम हुनेछ ।

युवा वर्गमा विद्यमान समस्याहरूलाई समाधान गर्दै सफलताको शिखरमा पुग्न सकिन्छ भन्ने सन्देशमा यस कार्यक्रम केन्द्रित रहेको जनाइएको छ । कार्यक्रमको मुख्य वक्ता रूपमा युवा मोटिभेसनल स्पिकर रोहित मल्ल रहेका छन । उनि ७ वर्ष देखि देशका विभिन्न स्थानहरू मा पुगेर उत्प्रेरणात्मक कार्यक्रम संचालन गर्दै आइरहेका छन् । उनैको मुख्य प्रस्तुतिमा स्ट्रगल , पसिबल , फियरलेस जस्ता देशव्यापी मोटिभेसनल सेमिनार सम्पन्न भैसकेको छ ।

विशेषत युवा वर्गमा आफ्नो करियरमा के बन्ने , सम्बन्ध कसरी कायम राख्ने , लागु पदार्थ दुर्व्यसनबाट कसरी पर रहने जस्ता विषयहरूमा अथाह दुविधा रहेकाले उनीहरूलाई सकारात्मक कार्यका लागि उत्प्रेरित गर्न यस कार्यक्रमको आयोजना गर्न लागिएको आयोजकले बताएको छ ।