काठमाडौं:जेनजी आन्दोलनलाई दिशानिर्देश गरेर क्रान्तिमा बदल्न योगदान दिएको भन्दै जेनजी युनाइटेडले काठमाडौं महानगरपालिकाका मेयर बालेन्द्र शाहलाई धन्यवाद दिएको छ  । एक विज्ञप्ति जारी गर्दै जेनजी यूनाइटेडले बालेनलाई धन्यवाद दिएको हो ।

 
जेनजी  युनाइटेडको  वक्तव्यमा भनिएको छ, ‘जेनजी आन्दोलनको क्रममा उत्पन्न अन्योलका बीच प्रत्यक्ष, अप्रत्यक्ष रूपमा सही दिशानिर्देश गर्ने र आन्दोलनलाई क्रान्तिमा रूपान्तरण गर्न दृढ अडान लिने युवा नेता श्री बालेन्द्र शाहलाई जेनजी युनाइटेड हार्दिक धन्यवाद ज्ञापन गर्दछ ।’

संगठनका केन्द्रीय संयोजक किरण बिकद्वारा जारी वक्तव्यमा बालेन शाहको भूमिकालाई ‘ऐतिहासिक र निर्णायक’ भन्दै सराहना गरिएको छ । विकका अनुसार साहले आन्दोलनका विभिन्न चरणमा युवालाई संयम, संवाद र शान्तिपूर्ण परिवर्तनतर्फ उन्मुख गराउने नेतृत्व प्रदर्शन गरेका थिए ।

युनाइटेड जेनजीले भदौ २३ र २४ को आन्दोलनलाई नेपाली जनताको साहस र दमनविरुद्धको प्रतिरोधको प्रतीकका रूपमा व्याख्या गर्दै राष्ट्रपति, प्रधानमन्त्री, सेनापति र सुरक्षा संस्थाहरूप्रति पनि आभार प्रकट गरेको छ ।

विज्ञप्तिमा सबै जेनजी समूह र नागरिकलाई ‘युनाइटेड जेनजी नयाँ नेपाल निर्माणको हातेमालो’ अभियानमा सहभागी हुन आह्वान गरेको छ ।

किरण विक केन्द्रीय संयोजक रहेको जेनजी युनाइटेडमा हरिश विक, मनोजकुमार यादव, रानी राय, बमशङ्कर यादव, सुरेन्द्र पाण्डे, नमुना विश्वकर्मा र मोहम्मद आयातुल्ला रहमान केन्द्रीय सहसंयोजक रहेका छन् l  स्मरणीय के छ भने जेनजी युनाइटेडमा LGBTIQA+को पनि प्रतिनिधित्व गराइएको छ l 

जेनजी  युनाइटेडद्वारा जारी धन्यवाद विज्ञप्ति र अवधारणाहरू जस्ताको त्यस्तै :