काठमाडौं, ११ भदौ: लामोसाँघु–जिरी सडकखण्ड अन्तर्गत दोलखाको भिमेश्वर नगरपालिका ६ रमितेडाँडामा एकापसमा दुईवटा मोटरसाइकल ठोक्किँदा दुई जनाको मृत्यु भएको छ ।

मृत्यु हुनेमा बैतेश्वर गाउँपालिका–३ मिर्गे घर भएका २६ वर्षीय श्यामबहादुर खत्री (सुजन) र भिमेश्वरनगरपालिका–५ माटीका २४ वर्षीय शिरिष बस्नेत रहेका जिल्ला प्रहरी कार्यालय दोलखाले जानकारी दिएको छ ।

दुर्घटनामा मृत्यु हुने २४ वर्षीय शिरिष बस्नेत गौरीशंकर बहुमुखी क्याम्पसका स्ववियु सभापति हुन् भने २६ वर्षीय श्याम खत्री जिल्ला सदरमुकाम चरिकोटस्थित एक होटलमा कार्यरत व्यक्ति हुन् l 

प्रहरीका अनुसार बा ५३ प ८८९९ नम्बरको मोटरसाइकल चढेर काठमाडौंबाट चरिकोटतर्फ जाँदै गर्दा उनीहरू  बा.प्र.०२–०३४ प ३२४२ नम्बरको अर्को मोटरसाइकलसँग  ठोक्किएका थिए । मोटरसाइकल गएराति ९ बजेदेखि १० बजेको बिचमा ठोक्किएको अनुमान प्रहरीको छ ।

 दुर्घटनामा गम्भीर घाइते भएका उनीहरूलाई उपचारका लागि च्छो रोल्पा अस्पताल चरिकोटमा पठाइएकोमा केही समयमै चिकित्सकले मृत घोषणा गरेका थिए ।

दुर्घटनामा ३२४२ नम्बरको मोटरसाइकल चालक बैतेश्वर गाउँपालिका५ का २५ वर्षीय निर्मल खड्का सामान्य घाइते छन् । उनलाई प्रहरीले नियन्त्रणमा लिएर अनुसन्धान अघि बढाएको छ । दुर्घटना स्वाभाविक थियो कि नियोजित अनुसन्धान अगाडि बढेको छ l 

स्मरणीय : फोटो चिरिन्जीवी मास्केको फेसबुकबाट साभार गरिएको हो l