काठमाडौँस्थित सिद्धि गणेश माध्यमिक विद्यालयकी छात्रा क्रिश्चला पुडासैनीले एसईईमा फोर जीपीए प्राप्त गरेकी छिन् । साथै विद्यालयले पनि उत्कृष्ट नतिजा निकालेको छ । सामुदायिक विद्यालयतर्फ  उक्त विद्यालयको एसईईमा नतिजा उदाहरणीय छ l 

हेरौ सिद्धि गणेश स्कुल ( २०८२ )  को एसईई नतिजा :

क्रिश्चला पुडासैनी :४.००

कृतिका ब्रह्मशाखा ३.९६
क्रिस्टिना खड्का ३.९६
समिर तामाङ ३.९६
ससित थापा ३.९१
समग्रमा नतिजातर्फ
३.६१-४.०० - २९
३.२१-३.६०- ६ जना
नतिजामा समस्या भएको :१ जना
परीक्षामा सहभागी भएको तर अनुपस्थित देखिएको छ l 

 काठमाडौँको तत्कालीन इन्द्रायणी गाउँ पंचायतको सात घट्टेमा वि.स.२०३५ मा स्व. कृष्णप्रसाद अर्यालले दान गर्नु भएको जग्गामा स्थापित सिद्धि मावि कागेश्वरी मनहरा नगरपालिका वडा नं १ गागलफेदीमा अवस्थित छ l प्रावि,निमावि र मावि हुँदै २०५४ मा पहिलोपटक एसएलसीमा सामेल भएको विद्यालय,२०६५ मा ११ र २०६६ मा १२ कक्षाको स्वीकृति पाए देखि १२ कक्षासम्म पठन पाठन गरिरहेको छ l सामुदायिक विद्यालय तर्फ २०७८ मा एसईई तर्फ उत्कृष्टमा पर्न सफल र निरन्तर राम्रो एसईई नतिजाको कारण चर्चा र अभिभावक विद्यार्थीको आकर्षण बढ्दो छ l

हाल प्रधानाध्यापकको रूपमा रोशन अधिकारी रहेका छन् भने सहायक प्रधानाध्यापक सरोज धिताल रहेका छन् l विद्यालय व्यवस्थापन समितिको अध्यक्षमा राजकुमार थापा रहेका छन् l २०६४ मा विद्यालय व्यवस्थापन समितिको सदस्य पदमा रहेका थापा २०६६ कार्तिक २१ गते आफ्नो जन्म दिनको दिन अध्यक्षको कार्यभार सम्हालेदेखि सिद्धि गणेशको व्यवस्थापकीय नेतृत्व गरेर सामुदायिक स्कुललाई अब्बल बनाउन लागिपरेका छन् l 

उत्कृष्ट विद्याल व्यवस्थापन समितिको अध्यक्ष २०६८को पुरस्कार प्राप्त गरेका थापा आफ्नो संस्थालाई सामुदायिक तर्फ उत्कृष्ट विद्यालय राष्ट्रिय पुरस्कार दिलाउन पनि सफल भएका छन् l व्यवस्थापन समितिको अध्यक्षको नाताले देशभरका थुप्रै ठाउँमा तालिम सेमिनार र भ्रमणमा पुगेका थापाले प्रसस्त व्यवस्थापकीय ज्ञान हाँसिल गरेका छन् l कतै जाँदा आफूले देखेको र सिकेको नयाँ कुरा ल्याएर स्कुलमा लागू गर्छन् ; कागेश्वरी नगरपालिकाको शिक्षा सम्बद्ध विषयमा थापालाई नसम्झने मान्छे कमै छन् l थापा भन्छन् : 'देशकै नमुना सामुदयिक विद्यालय बनाउने मेरो धोको छ l'

अनेक कठिनाइ, सामाजिक असमझदारी, विमतिका बाबजुद विद्यालयको यो स्तरको सफलता आफ्नो मात्र नभएर विगतको कतिपय सकारात्मक निरन्तरता,प्रधानाध्यापक, शिक्षक,कर्मचारी अभिभावक,विद्यार्थीलगायत सबैको भएको राजकुमार थापाको समष्टिगत निष्कर्ष छ l

सिद्धि गणेश स्कुलको सफलताका केही मानकहरू - 

शिक्षक विद्यार्थी कसैको पनि संगठनलाई निषेध l
स्कुलमा अनावश्यक राजनीति र दलीय हस्तक्षेप बन्द l 
आर्थिक पारदर्शीता र वित्त व्यवस्थापनमा विशेष सिप l  
विभिन्न निकायबाट प्राप्त बजेटको सदुपयोग र उब्रेको रकम रकमान्तर गर्दै मूल आवश्यकता पूर्ति गर्ने l 
शिक्षक कर्मचारी छनौट र नियुक्तिमा निस्पक्ष र पारदर्शिता र योग्यमध्येबाट चयन 
दण्ड र पुरस्कारको व्यवस्था l 
सार्वजनिक लामो छुट्टीमा आवश्यकता र प्राथमिकताको आधारमा बिदा स्वीकृत l 
पठन पाठनमा क्षतिपुर्तिको सिद्धान्त अवलम्बन ( कुनै कारणवस आकस्मिक रूपमा स्कुल बन्द भए अर्को कुनै दिन पढाउनु पर्ने अनिवार्य नियम ) l  
निरन्तर अनुगमन र पृष्ठपोषण l 
सकारात्मक कुरा जसको पनि ग्रहण र अनुकरण l  
कुनै पनि आर्थिक प्रलोभन अस्वीकार l 

यस्तो नतिजा प्राप्तिको केही कारण खोज्नु सान्दर्भिक हुन्छ l  किनभने ? देशभर सामुदायिक स्कुलको नतिजा राज्यले गरेको लगानी र स्रोत साधनको उपयोगिता अनुसार आएको छैन तसर्थ यो प्रसङ्ग यहाँ उल्लेख गर्नु औचित्यपूर्ण देखिन्छ l 

आफ्ना पिता,पूर्खाले स्थापना गरेको स्कुल र सोही स्कुलमा उनकै सन्तान, भाइ भतिजा, छोरी बुहारी शिक्षक शिक्षिका भएर वर्षौ काम गरेका छन् l व्यवस्थापन समितिको अध्यक्ष र सदस्य बनेका छन् तर त्यस्ता स्कुलको शैक्षिक हालत अत्यन्तै कमजोर छ l किनभने तिकेही वनीहरूका छोराछोरी भाइ बैनी त्यहाँ पढदैनन् l यो समस्या देशभरको सामुदायिक विद्यालयको हो l akabarey.com ले केही वर्षदेखि निरन्तर  सिद्धि गणेश माविको फलोअप गरेको छ l  त्यस वरपरका अभिभावक, शिक्षक र विद्यार्थीहरूसँग अन्तरक्रिया गरेको छ  l विद्यालयको शैक्षिक वातावरण देखेको छ ,सोही आधारमा विद्यालय व्यवस्थापन समितिको अध्यक्ष उनको पारिवारिक हिस्ट्री समेत जानकारीमा राखेको छ l  पढाईको प्रमाणपत्र नै मात्र पनि सबै कुरा होइन,व्यवहारिक सिप र योग्यता, लगन निष्ठा र विद्यालयप्रतिको समर्पण विशेष हो l प्रत्येक जिल्लामा राजकुमार थापाजस्ता शिक्षामा समर्पित विद्यालय व्यस्थापन समितिका अध्यक्ष हुने हो भने हाम्रो सामुदायिक शिक्षाले फड्को मार्न बेर लाग्दैन l गुणस्तरीय, व्यावसायिक र नैतिक शिक्षा राष्ट्र निर्माणका आधार हुन् l सामुदायिक विद्यालयलाई अब्बल बनाउने राजकुमार थापाको सामुदायिक विद्यालयका शिक्षकलाई एउटा प्रश्न –‘आफ्ना छोराछोरी आफैले पढाउन असक्षम हुनुहुन्छ भने हाम्रो सन्तान पनि पढाउन योग्य हामी ठान्दैनौ ? आफ्ना बच्चा पनि आफूले पढाउने सामुदायिक स्कुलमा राख्नुस अनि हामी पनि तपाईलाई हाम्रा वच्चा पढाउन योग्य देख्छौं l’ त्यसैले प्रथमत: सामुदायिक विद्यालयसँग सम्बद्द सबैले आफ्नो सन्तानलाई आफ्नै स्कुलमा पढाउनुपर्ने मान्यता कार्यन्वयन आफैबाट पालना गरेमा नेपालको सामुदायिक विद्यालयको शैक्षिकस्तर सुधार गर्ने गायत्री मन्त्र बन्नेछ  l 

स्मरणीय : फोटो राजकुमार थापाले उपलब्ध गराएका हुन् l