झोले शब्दको सामान्य अर्थ:

झोला बोकेर हिँड्ने सन्यासी, साधु वा गाउँगाउँ घुम्ने व्यक्ति (अब यो अर्थ पुरानियो भइसकेको छ)।

विवेकविहीन रूपमा पछ्याउने, विचारशून्य अनुयायीलाई जनाउँछ।
यस्ता व्यक्तिहरूलाई आलोचनात्मक सोच छैन भनेर खिसी गरिन्छ।

नेकपा एमालेमा हालै "म झोले हो" ट्रेन्ड सामाजिक सञ्जालमा तीव्र रूपमा फैलिएको छ। यस ट्रेन्डको सुरुवात प्रधानमन्त्री तथा एमाले अध्यक्ष केपी शर्मा ओलीले आफ्नो तस्बिरसहित "म झोले हो" लेखिएको पोस्टर सार्वजनिक गरेपछि भएको हो । उनले यो पोस्टमार्फत "एउटा सामन्ती परिवारको दास बन्नु भन्दा देशमा परिवर्तन र विकासको झोला बोकेर हिँड्नु कयौं गुणा उत्तम चरित्र हो" भन्ने सन्देश दिएका छन् ।ओलीले  आफ्नो फेसबुक पेजमा छन् : 'हिजोआज एउटालाई भगवान बनाउनु पर्‍यो भने सामूहिकतामा विश्वास राख्नेहरुलाई पहिले झोले भनेर लखेटिन्छ र समाजलाई भीडमा बदलिन्छ । भीडसँग बल अवश्य हुन्छ, तर सत्य नहुन सक्छ। सामाजिक सञ्जालमा झोले भनेर खेदियो भन्दैमा सत्य अँगाल्न नछोडौं । सामूहिक र संगठित आक्रमणबाट हरेकले आफ्नो निजत्व जोगाउनु पर्छ ।'ओलीको यही भनाईलाई नेकपा एमालेका नेताकार्यकर्ताले अनुसरण गर्दै 'म झोले हो'को प्रोफाइल पिक्चर भाइरल बनाइ रहेका छन् l यो पनि झोलेपनको एउटा मानक नै हो l 

यसै बारे झोलेका विभिन्न सन्दर्भगत संकथन akabarey.comले खोजेको छ l 

राजनीतिक सन्दर्भमा झोले 
झोले भन्नाले आजकल सामान्यतः कुनै राजनीतिक दल वा नेताको कट्टर समर्थक व्यक्तिलाई जनाइन्छ ।
यस्ता मानिसहरू प्रायः आँखा चिम्लेर पार्टी वा नेताको बचाउ गर्छन्, चाहे तिनीहरू सही होस् या गलत ।
उदाहरण:  ऊ/तँ झोले हो/होस्  l उसले आफ्नो पार्टीको कहिल्यै आलोचना गर्दैन किनकि ऊ पार्टीको झोले हो l झोले हुनु भनेको आलोचनात्मक चेत भुत्ते पारेर विवेक बन्धकी राख्नु हो l 
सामाजिक व्यंग्यात्मक प्रयोगमा झोले 
कहिलेकाहीँ "झोले" भन्ने शब्द व्यंग्यमा पनि प्रयोग गरिन्छ जसको अर्थ हुन्छ: अन्धविश्वासी, सोचबिनाका अनुयायी, वा बिना सोचे बोल्ने मानिस l अर्काले जे बोकाई दिए पनि बोकेर हिंडने दाँयावाँया नहेर्ने तलमाथि नदेख्ने घोडाको टापमा कुद्ने मानिस l 
सांस्कृतिक प्रयोगमा झोले 
केही ठाउँमा ‘झोले’ भन्ने शब्दले साधु-सन्त, जप-तप गर्ने व्यक्ति (झोला बोकेका) लाई जनाउने पनि देखिन्छ, यद्यपि यो प्रयोग अब धेरै कम छ । झोलेको प्रयोग राजनीतिक अतिक्रमणमा परेर राजनीतिक शब्दमा रूपान्तरित भएको छ l 
 झोले बन्नु सकारात्मक कि नकारात्मक ?

झोलेलाई सकारात्मक र नकारात्मक दुवै तिरबाट विश्लेषण गर्न सकिन्छ झोला बोक्नु आफैमा नराम्रो कुरा र विचार होइन l 

नकारात्मक रूपमा झोले 
झोले भन्ने आरोप लाग्नु समाजमा सोच-समझ नभएको, भावनामा बग्ने र आलोचनालाई अस्वीकार गर्ने व्यवहारसँग जोडिन्छ ।
सकारात्मक रूपमा

कहिलेकाहीँ दृढ समर्थन, विश्वास र निष्ठाको प्रतीक पनि हुन सक्छ, यदि त्यो आलोचनात्मक सोचसहित हो भने ।
  निष्कर्ष:

"झोले" नेपाली भाषामा व्यंग्य, आलोचना र सामाजिक चिन्तन तीनवटै सन्दर्भमा प्रचलित शब्द हो । सोच-समझका साथ समर्थन गर्नु "झोलेपन" होइन; तर आँखा चिम्लेर पछि लाग्नु भने अवश्य "झोले" व्यवहार हो । वर्तमानमा अधिकांश व्यक्ति, समूह, दस्ता झोले छन् जसले नकारात्मक अर्थ ज्यादा संवहन गर्दछ l