रुपन्देही, चैत-२५-उच्च अदालतको  आदेशपछि काठमाडौँबाट पक्राउ गरिएका लामिछानेलाई आज  जिल्ला अदालतमा उपस्थित गराएर पुर्पक्षका लागि जिल्ला कारागार भैरहवामा चलान गरिएको छ l लामिछाने शुक्रबार उच्च अदालत तुलसीपुर बुटवल इजलासको आदेशपछि पक्राउ परेका थिए ।

लामिछानेलाई  कारागार प्रशासनले ४ नम्बर ब्लक राखेको छ । भैरहवा कारागारमा ४ वटा ब्लक छन् । १ र २ नम्बर ब्लकमा अन्य कैदी तथा थुनुवाहरू छन् ।३ नम्बर ब्लक भने महिला कैदी तथा थुनुवाका लागि हो ।  उक्त कारागारमा यसअघि सोही सहकारी प्रकरणमा मुछिएका पूर्व डीआईजी छविलाल जोशी पनि रहेका छन् ।

रुपन्देही कारागारमा जानु अघि आफ्ना सहयोगी प्रमोद न्यौपानेमार्फत रवि लामिछानेले ४ वटा सन्देश दिएका पार्टीका नेताकार्यकर्ता शुभेच्छुकहरूलाई दिएका  छन् l दिपक बोहोराको फेस बुकबाट बोल्दै प्रमोद न्यौपानेले भनेका छन् : पहिलो सन्देश म अदालतको अत्यन्तै सम्मान गर्छु, र सम्मान गरेकै कारण मैले स्वेच्छिक गिरफ्तारी दिन मन्जुरी दिएको थिएँ l यद्दपि अदालतको आदेश कार्यन्वयनमा प्रहरीले जुन हर्कत देखायो त्यसप्रति मलाई दुख छ l अदालतको आदेश कार्यान्यनमा म प्रतिवद्ध छु l 

दोस्रो: कानुनले दिएका सबै अधिकार म प्रयोग गर्छु l अझै पनि म कानुनले दिएको अधिकार सुविधा अन्तर्गत उच्च अदालतको आदेशविरुद्ध  म माथिल्ला तहको अदालत जानेछु l मेरा कानुन व्यवसायीहरूसँग छलफल भएको छ त्यसको गृहकार्य  कानुन व्यवसायीहरूले गरिरहेका छन् l 

न्यायको मन्दिरबाट अन्याय हुने छैन भन्नेमा म विश्वस्त छु l जे शंका उब्जेका छन् तिनीहरू समय क्रमममा गलत साबित हुनेछन् l 

तेस्रो:  ममाथि राजनीतिक प्रतिशोध भयो l अहिले मेरो पालो आयो l म पहिलो परीक्षार्थी भएँ l तर यस्तो परीक्षा अरू धेरैले पनि दिनुपर्छ l सबैको पालो क्रमशः आउनेछ l यस्तै खालको परीक्षा सबैले दिनुपर्छ l म आत्तिएको  छैन l डराएको छैन l मैले जसरी नै जाँच अरूले पनि दिनुपर्ने छ ।
 

चौथो : पार्टीलाई एक ढिक्का राखेर घोषणा गरिएका अभियानलाई निरन्तरता दिनु होला सक्नु हुन्छ भन्ने पार्टी र पार्टीको संरचना बढाएर ठुलो बनाउनु होला l सक्नु हुन्न भने पनि न घटाउनु होला l घटाउने गरी काम नगर्नु होला l  जन स्तरसम्म पार्टीका मुद्दा, एजेण्डा र अभियान लिएर जानु होला l