जनमत पार्टीबाट प्रतिनिधित्व गर्ने अनितादेवी  शाह सङ्घीय मामिला तथा सामान्य मन्त्री बनेर राष्ट्रपति रामचन्द्र पौडेल सामु शपथ ग्रहण गरेकी छन् l 

को हुन् अनितादेवी ?

अनिता साह किसान आन्दोलनको अग्रमोर्चा सम्हालेकी निडर नेत्तृको रूपमा जनमत वृतमा परिचित छन् l उनकै  नेत्तृत्वमा धनुषाको पोर्ताहामा आन्दोलन हुँदा प्रहरीले गोली चलाएका थिए र सो गोली लागेर उनको श्रीमान्‌का साथै अन्य चार जना कार्यकर्ताहरू घाइते भएका थिए।उनलाई पछि पटक-पटक घेरा हालेर प्रहरीले कुटपिट समेत गरेका थिए। सो आन्दोलनबाट पार्टीमा प्रवेश गरेकी शाहलाई जनमत पार्टीले धनुषा जिल्लाको इन्चार्ज बनाएको थियो l  उनले पार्टीलाई वडा-वडासम्म अधिवेशन गराएर पार्टी विस्तार गर्न पनि प्रमुख भूमिका निर्वाह गरेकी थिइन् l  जनकपुरमा भएको जनमत पार्टीको महाधिवेशनको आयोजक समितिको अध्यक्ष भएर भूमिका निर्वाह गरेकी शाह  हाल  जनमत पार्टीको राष्ट्रिय सचिव हुन् l  संसदीय दलको प्रमुख सचेतक समेत रहेकी शाह पपुलेशन विषयकी स्नातक हुन् l समाज सेवा र गैर सरकारी संस्थामा सक्रिय शाह पूर्वमन्त्री सन्जय शाहकी बहिनी समेत हुन् l 

गत वर्ष २०७९ मा सम्पन्न स्थानीय तहको निर्वाचनमा जनकपुर उपमहानगरपालिकाको मेयरमा प्रतिष्पर्धा गरेर १४३७ मत प्राप्त गर्दै सातौ भएकी शाह गत संसद्को चुनावमा समानुपातिकबाट सांसद बनेकी हुन् l 

 (akabarey.com परीक्षण प्रसारणमा छ l )