काठमाडौं-अमृत साइन्स क्याम्पस (अस्कल) मा अनेरास्ववियुले निकटतम प्रतिस्पर्धी क्रान्तिकारीलाई पराजित गर्दै आफ्नो विरासत फिर्ता लिएको छ ।

आइतबार चैत्र १० मा भएको स्ववियू निर्वाचनको अन्तिम मतगणनामा अनेरास्वयुको प्यानलैले विजय हासिल गरेको छ । यसअघिको निर्वाचनमा क्रान्तिकारीले नेतृत्व जित्दा रुद्रहरि पोखरेल सचिवमा निर्वाचित भएका थिए ।

रुद्रहरि पोखरेलले आफ्नो नेतृत्व सम्पूर्ण प्यानल सहित विजय भएको छ l  २०५३  मा वर्तमान स्वास्थ्य मन्त्री रहेका प्रदीप पौडेलले नेबिसंघको तर्फबाट पहिलो पटक स्ववियु चुनाव जितेका थिए । अनेरास्ववियुको विरासत रहेको अस्कल क्याम्पस एमाले अखिलको किल्लाको रूपमा परिचित छ l 

 अनेरास्ववियुले निरन्तर जित्दै आएकोमा गत निर्वाचनमा क्रान्तिकारीले जितेको थियो ।

हालसम्म त्रिविका ४२ वटा आंगिक क्याम्पसमा निर्वाचन सकिएको छ । जसमध्ये नेविसंघले १५ वटा, अनेरास्ववियुले १३, अखिल क्रान्तिकारीले ८, स्वतन्त्रले ५ सभापति जितेका छन् भने एउटामा जसपानिकट विद्यार्थी निर्वाचित बनेका छन् ।

अस्कल क्याम्पसमा विद्यार्थी सङ्घ सङ्गठनले पाएको मत  

अनेरास्ववियु
सभापति – रुद्रहरी पोखरेल ६८९
सचिव – गोपाल शाही ६३५
कोषाध्यक्ष – विवेक कोइराला ७२७

नेविसंघ
सभापति – राजु लामिछाने १५७
सचिव – प्रशान्त भट्ट ३४३
कोषाध्यक्ष – सविता महर्जन २८८

अखिल क्रान्तिकारी
सभापति – बिश्राम शर्मा ३६३
सचिव – भोजराज खड्का२३२
कोषाध्यक्ष – अरुणा विश्वकर्मा २४८