काठमाडौँ, माघ२३

 नेपाली कांग्रेसका महामन्त्री गगनकुमार थापाले थाल्नु भएको मेची महाकाली संवाद यात्रा हालका लागि स्थगित भएको छ। पार्टीका केन्द्रीय सदस्य तथा पूर्वमन्त्री केशवकुमार बुढाथोकीको  निधन भएको कारण यात्रा स्थगित भएको बताइएको छ l 

झापाबाट माघ १३ गते सुरु भएको संवाद यात्रा हुलाकी मार्ग हुँदै नवलपरासीको गोपीगञ्जसम्म पुगेको थियो । उनको यो संवाद यात्रा यही २६ गते धनगढीमा पुगेर समापन गर्ने कार्यक्रम रहेको थियो। 

 यात्राका क्रममा महामन्त्री थापाले स्थानीय बासिन्दासँग विकास निर्माण, स्थानीय समस्या र असल अभ्यासका बारेमा छलफल गर्दै आएका थिए । अभियानका क्रममा भाषण र आसन ग्रहण नगरी जनताको कुरा नै धेरै सुन्ने तरिकाले कार्यक्रम गरेका थिए  । स्थगित भएको कार्यक्रम पछि समय मिलाएर निरन्तरता दिई समापन गर्ने कुरा महामन्त्री थापाको सचिवालयले जानकारी दिएको छ l