त्रिभुवन विमानस्थल भन्सार कार्यालयले आज एक विज्ञप्ति जारी गरेर दसैंमा विदेशबाट स्वदेश फर्कने नेपालीहरूको लागि ल्याउन पाउने समान, छुट समान र भन्सार तिरेर स्वघोषण गरेर ल्याउन पाउने रकम र सामानको बारे जनाकारी गराएको छ l 

साउदी अरब, कतार हंकंग , युनाइटेड अरब इमिरेट्स, थाइल्याण्ड मलेशिया आदि अन्तराष्ट्रिय एयरपोर्टबाट घरमा समान पठाउनु छ भन्दै यात्रुहरूलाई केही रकमको प्रलोभन दिएर ल्यापटम, मोबाइल सुन घडी आदि जस्ता मालवस्तु पठाउने हुँदा त्यस्ता समान बोकेर आउने यात्रु कारबाहीमा पर्ने हुनाले त्यस्ता मालबाहक भरिया कोही नबनून भन्ने उदेश्यले भन्सार कार्यालयले सूचनामूलक विज्ञप्ति जारी गरेर सतर्क गराएको छ l भन्सार कार्यालयले जारी गरेको व्यक्तव्य पनि तल राखिएको छ l 

विदेशबाट फर्कँदा महिलाको हकमा ५० ग्राम र पुरुषको हकमा २५ ग्राम सुनको गहनामा भन्सार नतिरी ल्याउन छुट छ l यो बाहेक थप २०० ग्रामसम्म सुनको गहना भन्सार बिन्दुमा महसुल तिरेर ल्याउन पाउने
-गहनाको आकार मात्रै दिएर बनाइएका बेरुवा औँठी, बाला, सिक्री जस्ता रसायन प्रयोग नगरिएका सुनलाई गहनाको मान्यता नदिने l 
आफूले प्रयोग गरिरहेको मोबाइल साथमा ल्याउँदा भन्सार तिर्नु पर्दैन । श्रम स्वीकृति लिएर लगातार ६ महिनाभन्दा बढी विदेशमा काम गरी फर्केका यात्रुले आफ्नो साथमा थप एक थान मोबाइल भन्सार नतिरी ल्याउन पाउने l 
- श्रम स्वीकृति लिई लगातार १२ महिना काम गरेको र सामाजिक सुरक्षा कोषमा सूचीकृत भएका यात्रुले जुनसुकै आकार वा प्रकारको टेलिभिजन भन्सार नतिरी ल्याउन पाउने l सामाजिक सुरक्षा कोषमा सूचीकृत नभएका नेपाली यात्रुले भने ३२ इन्च सम्मको टेलिभिजन मात्र भन्सार नतिरी ल्याउन पाउँछन् l 

५ हजार अमेरिकी डलर माथिको विदेशी मुद्रा हुने यात्रुले विमानस्थलमा स्वघोषणा गर्नु पर्दछ । रकम घोषणाको भने कुनै महसुल वा शुल्क बुझाउनु नपर्ने व्यवस्था छ ।