जिन्दगीमा एकपटक यस्तो समय आउँछ जब हरेक मानिसलाई सुखदु:खमा साथ दिने जीवनसाथीको आवश्यकता महसुस हुन्छ ।

तर आफ्नो मन मिल्ने साथी भेटिनु सजिलो भने छैन र यसका लागि निकै मिहिनेत गर्नुपर्ने हुन्छ । कहिलेकाहीँ जति मिहिनेत गर्दा र समय पर्खिंदा पनि मिल्दो जोडी नपाएर खिन्न हुने मान्छेहरु बग्रेल्ती हुन्छन् । यस्तोमा कतिपय मानिसहरुले मिल्दो जोडी खोज्नका लागि विभिन्न इन्टरनेट साइट, सोसल मिडिया तथा डेटिङ एपहरुको समेत सहारा लिन्छन् । तर एक युवतीले भने जोडी खोज्नका लागि अनौठो उपाय अपनाएकी छिन् ।

 पछिल्लो २ वर्षदेखि ब्वायफ्रेन्डविहीन रहेकी २९ वर्षीया सेलिब्रेटी युवती क्यारोलिना गेइट्सले लोग्नेको खोजी गर्दै सडकमा प्लेकार्ड लिएर उत्रिएकी छिन् ।

क्यारोलिनालाई पतिको चाहिएको थियो । त्यसैले उनले हातमा प्ले कार्ड बोकिन् र न्युयोर्कको ब्यस्त सडकमा निस्किइन् ।

उनले बोकेको प्लेकार्डमा Looking for a Husband अर्थात् एउटा पतिको खोजी भनेर लेखिएको थियो ।

५ फुट ९ इन्चको कद भएकी सुन्दरी त्यस्तो प्ले कार्ड बोकेर सहरमा घुमिरहेको देख्दा मानिसहरु अचम्ममा परे ।स्थानीय सञ्चार माध्यमसँग बोल्दै उनले भनेकी छिन्, ‘मैले एउटा साइनबोर्ड बनाउने निर्णय गरें, जसमा पतिको खोजी लेखिएको होस् । त्यो प्लेकार्ड बोकेर सहरमा घुम्दा त्यसले काम गर्छ कि गर्दैन भन्ने मलाई हेर्नु थियो ।’

टिन्डर तथा हिन्ज जस्ता डेटिंग एपहरुमा गैरबफादार पुरुषहरुसँग महिनौं खेर फालेसँगै उनी आफ्नो असल जीवनसाथी खोज्नका लागि प्लेकार्ड बोकेर सडकमा उत्रिएकी हुन् ।

उनले भनेकी छिन्, ‘मलाई लाग्छ कि यदि मैले आफूले चाहेको चिजका लागि वास्तविक संकेत दिन्छु भने भगवानले पनि त्यसलाई सुनेर पूरा गरिदिनेछन् ।’

३० मिनेटमै भेटिए पहिलो व्यक्ति !

सोमबार टिकटकमा शेयर गरिएको उक्त भाइरल भिडियो क्लिपमा क्यारोलिन एउटा चम्किलो टप्स तथा जिन्स पहिरिएर हातमा प्लेकार्ड बोकी सडकमा घुमिरहेको देखिन्छ ।

त्यसरी घुम्ने क्रममा उनले सडकमा हिँडिरहेकामध्ये एकजना युवकसँग फोन नम्बर साटासाट गरेको बताएकी छिन् ।

साथै त्यो युवकसँग केही दिनदेखि आफ्नो कुराकानी पनि भैरहेको उनले खुलासा गरेकी छिन् ।

सडकमा प्लेकार्ड लिएर घुमेको ३० मिनेटमै सो युवकसँग उनको भेट भएको थियो । यद्यपि उनले उक्त युवकको नाम खुलाएकी छैनिन् । उनी भन्छिन्, ‘अहिले हामीहरुले एक अर्कालाई बुझिरहेका छौं । सबैकुरा नयाँ छ । चिज कहाँसम्म जान्छ हामीले हेर्नेछौं ।’

akabarey.com हामीले यो खबर online khabar बाट साभार गरेका हौँ l