आदिकवि भानुभक्तको स्मृतिमा होमनाथ जोशीको कविता
-
अकबरे.कम
१
नेपाली जनका प्यारा, मनमा बस्दछाै सदा ।
कवि धड्कनका सारा, भावना कोर्दछाै मिठा ।।
२
छन्दकै साथमा कल्पी, नेपाली जनभावना ।
काव्यका पत्रका साथ, फैलायौ नवचेतना ।।
३
सुसेल्दैछन् अझै भाका, मिठा ती गाउँ कन्दरा ।
तिम्रै विम्ब बनी सामु,आउँछन् अति सुन्दर ।।
४
भाषा प्रसारमा लागी, काली मेची सुदूरमा ।
काव्यका साथमा मर्म, पाेखियो दूरदूरमा ।।
५
नेपाली जनका माझ ,काव्य निर्माणका गुुरु ।
नेपाली पनका साथ, भाव सञ्चारको सुरु ।
६
कविका लयका साथ, मेची काली सुसाउँछ ।
कविकै भावमा पाैडी, हिमाल मुस्कुराउँछ ।।
७
कविकै कविता साथ, कोइली गीत गाउँछ ।
कविकै धुनमा डाँफे, मैनाले मित लाउँछ ।।
८
खुल्दछन् मनका भाव, रामको महिमा भरी ।
छन् झै लाग्छ अझै सीता, यी कुना कन्दरा सरी ।।
९
भाषा माैलिकता रोपी, छन्दमा कविता सुरु ।
नेपाली कविका माझ, हाै आदि सबका गुरु ।।
सिर्जना : होमनाथ जोशी, उपप्राध्यापक, डोटी बहुमुखी क्याम्पस,डोटी
कुनै ठेकेदार कमरेडले हस्ताक्षर गरेर दिएकाे खाली चेक छ
यात्राका अनुभूति र नजिकका सबै दृश्यहरू नियात्राकारको ब्रम्हबाट तानिएका छन् ।
प्रतियोगिताका लागि करिब ६ लाख रुपैयाँ खर्च हुने आयोजकको भनाइ छ।
