काठमाडौं,असोज,१२ 

सरकार र आन्दोलनरत राहत तथा बालविकास शिक्षकहररू बीच पाँचबुँदे सहमति भएको छ । सहमतिसँगै शिक्षकहरुको आन्दोलन फिर्ता भएको छ ।

शिक्षामन्त्री अशोककुमार राईकै संलग्नतामा भएको सहमतिमा राहत शिक्षकको सीमित प्रतिस्पर्धा सम्बन्धी व्यवस्थालाई एक पटकका लागि आन्तरिकतर्फ शतप्रतिशत कायम गर्ने सहमति भएको छ ।

 परीक्षामा उत्तीर्ण भएका शिक्षकहररू  स्थायी हुनेछन् भने अनुत्तीर्ण भएका शिक्षकहरू लाई सरकारले आर्थिक प्याकेज दिनेछ ।

संसदमा दर्ता भएको विधेयकमा भने आन्तरिकतर्फ ५० प्रतिशत कायम गर्ने उल्लेख थियो भने ५ असोजमा शिक्षक महासंघसँग भएको ६बुँँदे सहमतिमा ७५ प्रतिशत पुर्‍याउने उल्लेख थियो । त्यसमा असहमत राहत तथा बालविकास शिक्षकहरू ले आन्दोलन जारी राखेपछि सरकारले वार्ता थालेको थियो ।वार्ता आज निस्कर्षमा पुगेसँगै शिक्षकहरूको आन्दोलन स्थगित भएको छ l